Nagpunta ako sa school kanina para magrenew ng scholarship. Kumuha narin ako sa Dean's Office ng Schedule of Fees.

Ang mahal ng tuition. Pero di na ko nagulat. Sanay na.

Sa totoo lang, sulit naman talaga ang tuition fee, kung quality education ang pagbabasehan. Pero ang Miscellaneous + other fees + other charges? Yun ang padagdag sa bayarin. Hindi rin naman masyadong nagagamit.

Kaya eto ang mga tips ko para masulit ang binabayad natin sa paaralan:

1. Laging mag-library- Manghiram ng libro. Hindi ko naman sinabing basahin mo, basta hiramin mo lang. Tapos siyempre ibalik mo. Kapag mainit, tumambay sa library, sa tapat mismo ng aircon. Kapag umuulan, sa library sumilong. Yung iba kasi may phobia sa library eh, malaki kaya ang library fee!

2. Magpacheck-up kahit walang sakit- Alam niyo ba na kasama din sa miscellaneous ang medical at dental services? Kaya kung boring ang klase, magpanggap na nahihilo para makatulog sa clinic/health service. Note: acting skills required.

3. Mangolekta ng school paper/journal- Para sa mga UST students, akala niyo ba libre lang yung mga Varsitarian na inuupuan niyo tuwing Paskuhan? Binabayaran natin 'yon, pati ang mga journal ng bawat college/course.

4. Magcharge ng cellphone sa school- Sulitin ang binabayad na energy fee. Pwede rin ang laptop, PSP, iPod at lahat ng portable devices. Siguraduhing malapit ka sa saksakan habang nagchacharge. Mag-ingat sa magnanakaw. (Pramis, bumaba ang bill ng kuryente namin nung ginawa ko 'to. )

5. Mag Facebook sa computer lab- Pwede rin sa mga computers sa library dahil kasama yan sa computer fee. Kaso nga lang blocked ang Facebook sa UST, mabuti nalang may proxy sites. Naalala ko nung naglalaro lang kami ng games o kaya Tumblr dahil nakakatamad ang tatlong oras na Cisco class.

6. Maging suki sa Guidance office- Kasama din sa Misc ang Guidance Counseling fee kaya kung may problema ka sa pag-aaral, pamilya o lovelife, diretso ka na sa Guidance office!

7. Sumali sa mga org at school activities- Student activity fee, University wide org at seminar fee. Ilan lang yan sa mga binabayaran natin. Kaya sali lang ng sali, attend lang ng attend. Swerte mo pa kung may libreng chibog.

8. Mag-aral ng mabuti- Siyempre ito ang pinaka importante. Sa sobrang mahal ng matrikula, dapat lang talaga sulitin natin ang tuition. Para naman hindi sayang ang binabayad ng ating mga magulang. Kung meron kang hindi naiintindihan, magtanong sa Prof. Siguraduhing hindi ka lalabas ng classroom na walang natututunan. Piliting maipasa lahat ng subjects dahil gastos lang kapag bumagsak ka.

12 comments

  1. bino // May 25, 2011 at 9:31 PM  

    ung magpacheckup kahit walang skait ginagawa ko kahit ngayong nagwowork na ko. sayang eh. kasama sa binabayaran hehehehe

  2. katieganda // May 25, 2011 at 10:02 PM  

    ;)). nasulit ko ang library at ang varsi! ahaha. lalo na pag may event. ahaha

  3. iamrhea // May 26, 2011 at 10:38 AM  

    ayos to hah! nakakatawa siya, pero totoo. magawa nga lahat :D

  4. halojin // June 19, 2011 at 6:43 PM  

    hahaha nice claum! now lang ako nakadalaw ulit busy sa school! thnaks sa pag share ng tips hahaha :D

  5. Arvin // August 11, 2011 at 11:04 PM  

    nice tip..good luck sa pag aaral mo..

  6. Lizzie's Money Web // November 8, 2011 at 11:56 PM  

    Nice tips. Hehe. Di ko naman masyado napagdaanan yan. :)

  7. M Delrosario68 // March 23, 2012 at 2:33 PM  

    somehow funny ... but true!

  8. Gen Cruz136 // April 24, 2012 at 10:02 PM  

    Funny pero truelalooo :))))))))

  9. usths student // May 16, 2012 at 1:54 PM  

    already did 1-7

  10. Randydavis387 // June 11, 2012 at 3:08 PM  

    Hi, Nice post thanks for sharing. Would you please consider adding a link to my website on your page. Please email me back.

    Thanks!

    Randy
    randydavis387@gmail.com

  11. Retail Ops Medan // July 5, 2012 at 12:22 PM  

    Nice post and grea blog lay out.

    http://hypnosis-sehat.info

  12. arvin // September 27, 2012 at 10:37 AM  

    nice tips...

    www.arvin95.blogspot.com